سؤال وجواب
سؤال بأربع اختيارات. الأسرع والأصح بياخد النقاط — شوف منو فيكم ذاكرته حديد.
من لاعب واحد🇸🇩 لعبة جماعية سودانية
اسأل… ودقّس!
دقستَ لعبة الونسة والذكريات السودانية. افتح غرفة، رسّل الكود لناسك في واتساب، والعبوا من تلفوناتكم — منو بيعرف، ومنو حيدقس في الكضبة؟ 😂
مجاناً على iPhone وAndroid · حتى ١٢ لاعب في الغرفة
تلاتة طرق للعب
كل طريقة بتطلّع ضحكة مختلفة من اللمة.
الكضبة
اكتب إجابة غلط مقنعة، وبعدين الكل يحاول يلقى الإجابة الصحيحة وسط الكضب. كل ما دقّست زول أكتر، كسبت أكتر!
من ٢ لاعبينمنو القال؟
الكل بيجاوب سؤال ظريف، وبعدين تخمّنوا منو كتب كل إجابة. بتعرف ناسك كويس؟
من ٣ لاعبيناللعب ساهل شديد
-
١
افتح غرفة
اختار طريقة اللعب والمجموعات، وخلاص عندك كود زي «NILE».
-
٢
رسّل الكود
شاركو في قروب الواتساب — الرابط بيفتح الغرفة طوالي.
-
٣
العبوا ودقّسوا
كل زول من تلفونو، في نفس القعدة أو من بلاد بعيدة. والنتيجة بتطلع طوالي!
شوف اللعبة
لقطات من جولة «الكضبة» حقيقية.
ليه دقستَ؟
أسئلة من ذاكرة البلد
مجموعات عن السودان زمان، أغانينا، أكلنا، كورتنا وحكاوي الحبوبات — مكتوبة بلغة ناسنا.
العب مع ناس ما بتعرفهم
غرف عامة ودخول سريع: لقيت اللمة ناقصة؟ خش مع سودانيين من كل مكان.
أصحابك معاك
ضيف أصحابك بكود الصداقة، شوف منو أونلاين، واعزمهم للعبة بضغطة.
أصوات وضحك
دلوكة، طمبور وزغرودة للفايز — وترومبيت حزين للبدقّس 😅
ذاكرة شفهية حية
كتير من الأسئلة جاية من حكاوي مسجّلة بأصوات أصحابها — وكل لعبة بتحفظ حتة من ذاكرة السودان.
بدون تسجيل معقّد
خش ضهب ساي باسمك، أو اربط رقمك عشان تحفظ نقاطك ومشترياتك.
جاهز تدقّس ناسك الليلة؟
حمّل دقستَ مجاناً، افتح غرفة، وخلي الونسة تبدأ.